Janë publikuar edhe formacionet zyrtare se si do të zbresin në fushë dy finalistet e Champions League, Real Madrid dhe Liverpool. Të dy trajnerët nuk janë kursyer dhe kanë hedhur në fushë lojtarët më të mirë dhe me në formë të momentit.
Zidan nuk ka ndryshuar shumë nga ndeshjet e fundit ku në portë do të jetë i padiskutueshmi Navas, ndërsa para tij do të rreshtohet katërshja e mbrojtjes e përbërë nga Carvajal, Varane, Sergio Ramos dhe Marcelo. Mesfusho do të jetë më e forta e mundshme me Casemiro dhe Kroos që mbështesin “tenorin” Luka Modric. Para tyre do të jetë Isco, i cili rikthehet të luaj nga minuta e parë pas një dëmtimi. Ndërsa dyshja e sulmi do të jetë Ronaldo-Benzema. Zidane nuk heq dorë nga francezi dhe sërish nuk ka hapësira për Gareth Bale. Ndërsa në stol ka mbetur edhe Asensio e Vsquez, të cilët do të përdoren për të ndryshuar lojën në pjesën e dytë.
Nga ana tjetër Klopp nuk bën ndryshime. Është Karius në portë, me të më në fund edhe Liverpool gjeti pak qetësi. Para tij do të jetë katërshja e zakonshme me Robertson, Van Dijk, Lovren dhe Alexander-Arnold. Në mesfushë mungon Chamberlain për shkaka dëmtimi dhe në vend të tij do të jetë Wijnaldum i mbështetur nga Minler dhe Henderson. Armata e sulmit nuk ka dyshime, do të jetë sulmi më i frikshëm i vitit me Mane dhe Salah në mbështetje të Firminos.
