Kryeredaktori i gazetës Rilindja Demokratike, Bledi Kasmi thotë se është dhunuar nga policia gjatë protestës të zhvilluar sot nga opozita. Kasmi deklaron se është goditur me shkop gome në kokë nga policia dhe se ai po bënte vetëm detyrën. Kryeredaktori i RD shprehet se ka 10 qepje në kokë.
Edhe kryetari i Partisë Demokratike, Lulzim Basha në fjalën mbyllëse para protestuesve tek Ministria e Brendshme u shpreh se Kasmi ishte në krye të detyrës kur u dhunua nga forcat e policisë. Basha theksoi se ku është tregues se policia është në shërbim të ministrit të Brendshëm Fatmir Xhafaj.
Por në videot e publikuara nga vetë Partia Demokratike po edhe nga media u pa qarte së gazetari Bledi Kasmi nuk ishte si të gjithë kolegët e tij duke raportuar për ngjarjen por në vije të parë me protestuesit për tu konfrontuar me policinë. Ne video duket qartë dhe pastër që Kasmi është duke shtyre nja nga barrierat mbrojtese që ka vendosur policia.
Gjithashtu, videot e publikuara sqarohet dhe lajmi i rremë se Bledi Kasmi është qëlluar me gurë nga protestuesit. Në video duket qartë se ai është qëlluar me shkop gome nga policia.
Po të ngadalësojmë videon shohim qartë se ai që quhet gurë syzet e Bledi Kasmit që i fluturojnë nga koka, pasi ai goditet me shkop gome.
Ndërkohë, kreu i Policisë së Shtetit, Ardi Veliu, pasi e vizitoi në spital, tha se do të jenë pamjet filmike që do të ndajnë nëse ka gabuar policia apo qytetari Kasmi.
“Isha dhe te qytetari. Unë i uroj shërim të shpejtë qytetarit dhe këtë le ta gjykojnë pamjet filmike dhe hetimi i mëtejshëm në rast se ka gabuar policia apo ka gabuar qytetari”, deklaroi kreu i policisë.
Ndërsa, Drejtori i Spitalit Ushtarak tha se gjendja shëndetësor e gazetarit Bledi Kasmi është e mirë dhe se ai mund të largohej nga spitali.
