Lidhja shumëvjeçare e Eva Muratit me djalin e ish-Kryeparlamentares, Jozefina Topalli, u përfol shumë në media këtë muaj. Për çiftin dolën thashetheme që ishin ndarë, pasi Eva nuk e uroi për ditëlindje partnerin e saj në rrjetet sociale dhe nuk publikoi asnjë foto me të.
Mirëpo, thashethemet për ndarjen u shuan shpejt nga Eva dhe Genari, të cilët deklaruan se fakti që nuk dëshironin ta bënin publike jetën e tyre private, s’do të thotë medoemos që ata ishin ndarë.
Ditën e sotme, bukuroshja e ekranit ka festuar 23 vjetorin e lindjes së saj. Ajo ka publikuar në Instagram një foto ku shfaqet e veshur si princeshë, me kurorë mbi kokë dhe mban në duar tullumbacë me numrin e moshës.
Mirëpo, të gjithëve u ka rënë në sy fakti se Genari nuk është i pranishëm në foton e saj dhe ende nuk duket gjëkundi ndonjë koment urimi prej tij. Nuk dihet nëse ai e ka uruar partneren privatisht, apo zërat se mes tyre gjërat nuk shkojnë mirë janë të vërtetë.
