Kryeministri Edi Rama tha sonte se ministri i Brendshëm Fatmir Xhafaj nuk i ka kërkuar dorëheqjen pas skandalit të vëllait të tij. Ai shprehet i vendosur të mos e largojë ministrin e tij të Brendshëm.
Në një intervistë dhënë për gazetaren e Abc News Mirela Milori në Gjirokastër, Rama tha se ministri nuk mban përgjegjësi morale për vëllain e tij.
“Shkarkim për arsye morale? Jetojmë në një sistem ku nga mosha 18 vjeç, “secili berr varet nga këmbët e veta” dhe askush nuk mund të implikohet një vëlla se ka një vëlla.
Në pozicionin e kryeministrit nuk mund të bëj vlerësime bazuar në pretendime. Unë vendimet i marrë në bazë të fakteve. Kur kam bërë zgjedhjen e Xhafës si ministër të brendshëm unë e kam ditur këtë fakt. Akuza ka pasur që në vitin 2002.
Kam kërkuar me urgjencë nga një agjenci e specializuar të di të vërtetën e audiopërgjimit. Nëse do të kishte të dhëna për këtë që “një vëlla është aktiv në këtë aktivitet” e bën të pamundur që vëllai të jetë ministër” deklaroi Rama.
