Në aksin Fushë Krujë-Vorë është aksidentuar një 23-vjeçar. I riu po udhëtonte me motor, por ka humbur kontrollin e mjetit duke dalë jashtë rruge.
I aksidentuari Elon Barushi ka mbetur i plagosur rëndë, ndërsa është transportuar me urgjencë në spitalin e Traumës. Policia ndodhet në vendin e ngjarjes dhe po heton për zbardhjen e plotë të rrethanave të aksidentit.
Kujtojmë se disa aksidente të tjera kanë ndodhur brenda pak orëve sot në autostradën Tiranë-Durrës, ku ka mbetur e plagosur një grua.
