Presidenti turk Rexhep Tajip Erdogan ka sulmuar agjencitë e vlerësimit ekonomik lidhur me ecurinë e ekonomisë turke, të cilat sipas tij kanë marrë si shembull vlerësimi shtetin e falimentuar grek.
“Mos u kushtoni vëmendje atyre (agjencive të vlerësimit), ato nuk sollën asnjë përmirësim as te ekonomia greke, e cila është e falimentuar nga të gjitha anët; marrin borxhe dhe jetojnë përmes borxheve”, është shprehur Erdogan në takimin e Bashkësisë Turke të Dhomave, Mallrave, dhe Shkëmbimeve.
Duke iu referuar zhvillimit ekonomik të Greqisë dhe nivelit të pagave kur tha se shteti helen nuk arrin të paguajë as nëpunësit e tij.
“Më falni, por po flasim për një vend që nuk mund të paguajë nëpunësit e tij civilë. Si është e mundur kjo? E kam fjalën për Greqinë”, tha ai.
TIRANA TODAY
