Kupa e Botës e vitit 2026 akoma nuk është vendosur se ku do të zhvillohet, pavarësisht se është treguar shumë interes nga disa shtete. Nga njëra anë tre shtetet si SHBA, Kanadaja dhe Meksika kanë sugjeruar një organizim në territorin e këtyre shteteve dhe sipas llogaritjeve do të sillte një fitim prej 11 miliardë dollarë për FIFA-n.
Një Kampionat Botëror i Amerikës së Veriut parashikohet të krijojë 14 miliardë dollarë të ardhura, ndërkohë që presidenti i futbollit i SHBA, Carlos Cordeiro tha se do të ishte Kupa Botërore më e suksesshme e zhvilluar ndonjëherë.
Megjithatë, Cordeiro nuk është i vetmi që mbështet idenë e një organizimi të Botërorit në Amerikën e Veriut, me Presidentin e SHBA-së, Donald Trump që ka theksuar se do të ishte një turp nëse vendet që ne mbështesim gjithmonë do të lobojnë kundër ofertës amerikane.
Por, oferta e SHBA-së, Kanadasa-së dhe Meksikës nuk është e vetmja, pasi edhe Maroku gjithashtu ka bërë ofertë për të organizuar ngjarjen më të madhe të futbollit botëror dhe kanë marrë mbështetje të konsiderueshme në javët e fundit.
