Ambasadori amerikan Donald Lu dhe presidenti i vendit Ilir Meta janë ndeshur sot midis tyre në Varrezat “Dëshmorët e Kombit”. Në fotot e shkrepura në këtë rast shihet përshëndetja midis ambasadorit amerikan dhe kreut të Shtetit, e shoqëruar me buzëqeshjen e njëri-tjetrit.
Megjithatë, nëse i referohemi zhvillimeve politike të viteve të fundit por edhe të pak muajve më parë, raportet midis ambasadorit Lu dhe Ilir Metës nuk duket se janë edhe aq miqësore.
Në këtë rast vlen të përmendet edhe denoncimi që bëri ish-kryeprokurori Adriatik Llalla në letrën drejtuar Kongresit Amerikan ku theksonte se Donald Lu kishte kërkuar arrestimin e Ilir Metës.
https://tiranatoday.com/llalla-sulmon-ambasadorin-lu-kerkoi-ti-ve-prangat-ilir-metes/
Pavarësisht faktit se ambasadori e hodhi poshtë një pretendim të tillë duke theksuar se Llalla meriton burgun me veprimtarinë e tij në krye të organit të akuzës dhe me deklaratat kontroverse që ka bërë deri më tani.
Ndërsa e ka shtuar atë në listën e peshqve të mëdhenj kur vetëm pas pak ditësh ndaj Llallës do të zhvillohet një gjyq publik, i cili do të kalojë në sitën e Vettingut.
https://tiranatoday.com/si-nervozohet-ne-kulm-ilir-meta-kur-permendet-burgu-video/
Llalla është njohur vazhdimisht si njeri i besuar i Presidentit Meta dhe përpjekjet dhe qëndrimet e prera të ambasadorit Lu për miratimin e reformës në drejtësi e nervozuan shpesheherë Ilir Metën, veçanërisht në konferencën e famshme të korrikut 2016.
Ndërsa më vonë nuk kanë munguar as sulmet direkte dhe indirekte të eksponentëve të LSI-së ndaj ambasadorit i cili ka qenë një nga iniciuesit dhe aktorët kryesorë për realizimin e reformës në drejtësi.
https://tiranatoday.com/lsi-shuplake-lu-se-pse-kritikon-ramen-ku-ishe-me-pare/
Megjithatë, raportet midis ambasadorit Lu dhe Presidentit Meta janë korrekte në publik nisur edhe nga posti honorifik i këtij të fundit dhe vetë simbolika që bart institucioni i presidentit.
https://tiranatoday.com/kerkesa-per-arrestimsi-u-perplas-meta-dhe-llalla-me-ambasadorin-lu/
Por, ambasadori Lu përgjatë ditëve të fundit ka qenë i prerë lidhur nxjerrjen jashtë funksioneve publike të peshqve të mëdhenj, duke nisur që nga ish-kryetar bashkish si Fran Frrokaj, Elvis Roshi, biznesmeni-politikani Koço Kokëdhima, kapja e Arbër Çekajt, dhe domosdoshmëria e arrestimit të Klement Balilit, restorantin e të cilit e inauguronte vetë Meta, dhe përballja tani e tutje me drejtësinë e Saimir Tahirit.
Ndërsa sot në varreza përshëndeti plot buzëqeshje presidentin Meta, në ditët në vijim të presim se cilët emra do të denoncojë si peshq të mëdhenj ambasadori Lu.
TIRANA TODAY
