“Corriere dello Sport” ka ngritur zërin ndaj vendimeve të arbitrave në ndeshjet gjysmëfinale të Champions League, ku sipas tyre u favorizuan hapur dy ekipet finaliste. E përditshmja italiane ka dalë në një qëndrim të fortë duke e konsideruar këtë kompeticion madhor të klubeve europiane në futboll si “THE SCEMPIOOONS!!!” (kampionët e turpit).
Gazetari Ivan Zazzaroni ka treguar çdo rast në shkrimin e tij duke kryqëzuar shtëpinë e futbollit europian, UEFA-n, për rezistencën që ka barë për të mos linçuar VAR-in në kompeticionin më të rëndësishëm të futbollit. Champions League sipas gazetarit e ka humbur bukurinë dhe është një krim që finalistët apo edhe në ndeshjet në tërësi fituesi të vendoset nga gabimet e arbitrave, të cilët kanë larguar besimin e tifozëve nga futbolli i pastër.
Ja shkrimi i plotë dhe mjaft i fortë i gazetës së njohur sportive italiane:
Nëse ju pëlqen futbolli i padrejtë dhe i padëshirueshëm, ai jopopullor; nëse jeni të dashuruar me teorinë se “arbitrat gabojnë, ashtu si edhe lojtarët, ndaj gabimet e tyre duhet të pranohen gjithmonë”; në qoftë se ju pëlqen rezultati që nuk korrespondon me djersën në fushën e blertë; në qoftë se…., me fjalë të tjera, në vitin 2018 tolerohet edhe futbolli “politico o soltanto miope”, nënshtrimi psikologjik, besimi i keq mbi të mirin (jo gjithmonë, natyrisht), atëherë për ju UEFA ka ngritur turneun ideal: ai quhet “Scempions League”. Ose, krim i përsosur i futbollit…
Ky është një kompeticion i padrejtë, që këtë edicion ka dërguar në finalen e Kievit, Real Madridin dhe Liverpool, dy ekipe që kanë përfituar hapur nga gabimet e arbitrave në gjysmëfinale të Champions-it. “Los Blancos”, madje, edhe më parë (Real-Juve), kur kanë gëzuar ndihmën e jashtëzakonshme të arbitrit. Unë nuk e diskutoj forcën, apo gjendjen e formës së dy finalistëve, por e gjej të padurueshëm që në sezonin e VAR-it, ne mund të dëshmojmë të tillë gabime arbitrale, megjithatë, të dokumentuara.
Unë nuk do ta bëj këtë një çështje të inferioritetit politik italian. Gjermanët kanë një federatë të rëndësishme, por akoma këtë vit, Bayern Munich u penalizua nga arbitrat, që çuditërisht, gjithmonë favorizojnë Real Madridin. Mos harroni se edhe dy vite më parë, ndeshja Juve-Bayern u zgjidh nga arbitrat. Dhe të mos flasim pastaj për të famshmen Barcelona-PSG, sezonin e kaluar.
Presidenti i UEFA-s tashmë ka thënë se nuk do të prezantojë ende asistencën e videos (VAR) në Champions, jo menjëherë. Kjo është politikë, nuk është futboll. A nuk e kuptoni se dhjetëra kamera më shumë, ose më pak, të dedikuara, u kanë dhënë “bilbil” miliona shikuesve? A nuk është rasti për të shmangur gabimet e tjera “mutane” me rëndësi planetare? Kur do të kthehet besueshmëria e futbollit të Champions-it? Apo, le të presim finalen e Kievit. Ndoshta, për të parë gafat e radhës…!!!”
