Ish-kryeministri Sali Berisha ka folur jashtë ambienteve të Kuvendit menjëherë pasi Saimir Tahiri dorëzoi mandatin e deputetit.
Këtë veprim të ish-ministrit të Brendshëm, Berisha e cilësoi si shantazhin e radhës të mafias.
Sipas tij, atë që nuk e bëri dot Parlamenti e bëri vetë Tahiri e cila sipas Berishës është dëshmi e forcës së krimit.
“Rama është arkitekti i zi i politikës së kanabizimit, dhe heroinizmit të Shqipërisë. Dorëzimi i mandatit është dëshmi e forcës së krimit. Atë që nuk bëri dot parlamenti, e bëri Saimir Trafiku”, tha Berisha.
Berisha solli në vëmendje edhe pazarin që përmendi vetë Saimir Tahiri nga kryesia e Kuvendi.
https://tiranatoday.com/saimir-tahiri-tregon-pazarin-mu-ofruan-nga-te-gjitha-anet-ja-cme-kerkuan-per-edi-ramen/
Tahiri nuk pamendi emra, por Berisha saktësoi se cilët ishin aktorët e këtij pazari, që sipas fjalëve rezulton të jetë një takim tjetër nga ai që përmendi ish-ministri i Brendshëm.
“Një takim i fshehtë është paralajmëruar se është bërë në një spital të Tiranës. Në atë takim tresh janë bërë premtime edhe për kulla. I treti ishte Lal Plehu. Këtë e ka marrë vesh gjithë Shqipëria. Asgjë nuk ndryshon nëse njeriu që flet tani në Parlament dhe që vetëm mashtron qytetarët dhe që udhëton si faqe e zezë në Evropë, njeriu të cilit i ka dalë boja si një lider psikopat dhe si një lider toksik. Rama është një lider toksik, shpërndajnë helme në ambientin ku jetojnë. Përpiqet që të mbijetojë dhe ai nuk kupton se bota nuk kërkon kokën e Saimir Tahirit , por kërkon dorëheqjen e tij, pasi Edi Rama është damkosja më e zezë e Shqipërisë në Evropë, të gjitha ngarkesat e Olsit të çojnë tek ai. Ai duhet të hidhet nga pushteti sa më parë. Rama riktheu burgjet politike në Shqipëri, siç ishte në rastin e Kukësit. Ftoj shqiptarët që të ngrihen ndaj Edi Ramës, dhe t’i bëjnë atë që armenët i bënë kryeministrit të tyre”, deklaroi ish-kryeministri Berisha.
