Ish-ministri i Brendshëm Saimir Tahiri është rikthyer sërish në vëmendjen e opinionit publik për të folur mbi akuzat e hedhura ndaj tij.
Tahiri doli në një konferencë për shtyp, duke iu përgjigjur akuzave si i përfshirë për trafikun e drogës midis Shqipërisë dhe Italisë si dhe tregoi një pjesë të prapaskenave që lidhen me raportet e tij me Edi Ramën dhe se çfarë pazari i ofruan për të shpëtuar kokën.
Ai la të kuptohet se mes tij dhe një grupi të caktuar për të cilin nuk përmendi emër, është zhvilluar një pazar, të cilin Tahirin thotë se e ka refuzuar. Ndërsa shtoi se tashmë të gjithë i janë kundërvënë dhe duan ta shohin në burg.
“Njëri vinte e më sugjeronte të thoja se nuk isha unë por ishte Edi Rama kokë e trafikut të drogës. Kështu shpëtoja veten nga të gjitha. Tjetri më këshillonte të mos flisja shumë, se nuk është çështje nervash kjo, por llogarish. Kshu e ka politika. Unë heshta. Tregtarët e gënjeshtrave dhe pazarxhinjtë e politikës dolën në treg. Nuk më kanë njohur mirë, aq sa të kuptonin se nuk ka qënë se nuk dija por se nuk doja që armiqtë, hajdutët, pazarxhinjtë e dallaveret e politikës t’i mbaja në krah. Unë kam zgjedhur ti vë përballë e nuk ka pasur e as ka asnjë lloj privilegji që më ndërron mëndje. Tani janë bërë gjithë bashkë përballë meje. Pushka top t’ju bëhet. Unë do ia dal. Papritmas u kujtuan të gjithë për hashashin. Opozita më ka akuzuar si trafikant drogë që pa marrë detyrën e ministrit e kështu vazhdon edhe sot”, tha Tahiri.
https://tiranatoday.com/tahiri-shuplake-rames-dhe-xhafajt-se-kuptoj-pse-heshtin-per/
