Avokati italian i Nazer Seitit ka deklaruar se do të hedhë në gjyq gazetarin shqiptar Basir Çollaku për përhapjen e lajmeve false lidhur me klientin e tij, duke vënë në rrezik jetën e Seitit dhe të familjarëve.
Gazetari Basir Çollaku akuzohet se ka përhapur lajmin fals që Nazer Seiti, i cilësuar si financieri i Habilajve, është bërë i penduar dhe do të bashkëpunojë me drejtësinë italiane.
Vetë gazetari Çollaki, i pranishëm në emisionin “360 Gradë” në Ora News, ka mohuar të ketë thënë se Nezar Seitaj është kthyer në të penduar, por ka shtuar se “Kjo është një betejë mafioze”, që ai e mirëpret.
Debati në emision:
Gazetarja Alba Kepi: Familjarët janë mjaft të shqetësuar, jo vetëm për jetën e Nezar Seitajtm në burg por edhe për familjarët vetë pasi të përhapësh lajmin se Seiti do bëhet bashkëpunëtor i drejtësisë.
Çollaku: Mesa duket kolegia nuk e ka lexuar. Nga dita e djeshme deri më sot shihni njerëzit që kanë udhëtuar nga Rinasi drejt Romës dhe ç’lidhje kanë me këtë grup. Ajo që kam thënë unë është se ai mund të jetë bërë i penduar. Kjo historia që Nazeri mund të jetë një nga të penduarit mund të jetë thënë 100 herë deri tani.
Gazetarja Kepi: Ajo është thjeshtë një prokurë…
Çollaku: Unë nuk e kam thënë që ai është i penduar, por që është i akuzuar për këtë gjë.
Gazetarja Kepi: Avokati më cilësoi faktin se ju disa herë keni dhënë lajme fake neës ndaj klientit të tij.
Çollaku: Kjo është një betejë mafioze dhe unë e mirëpres. E di se kush janë njerëzit që mund të kërcënojnë jo vetëm mua.
Çollaku: Ky presion më ka ardhur edhe mua mesnatën e mbrëmshme.
Zheji: Do të thotë kërcënim?
Gazetarja Kepi: Është mjaft e rëndë dhe vë vërtet në rrezik jetën e familjarëve, të pretendosh se ai është bërë i penduar i drejtësisë.
