Ish-ministri i Brendshëm Dritan Demiraj pas fitimit të gjyqit me ministren Kodheli është rikthyer ushtar aktiv në forcat e Armatosura.
Postimi i plotë:
Të nderuar miq!
Sot me rastin e rikthimit si kolonel aktiv ne FA, kam deshire te ndaj me Ju disa mesazhe.
Ju falënderoj përzemërsisht, emër për emër, për vëmendjen, solidaritetin dhe mbështetjen qe me keni dedikuar ne betejat institucionale, morale dhe gjyqësore për t’u rikthyer ne shërbimin aktiv te FA te RSH.
E drejta vonoi pak, por me ne fund u vu ne vend. Këtu nuk ka vend as për triumfalizem por dhe zero arrogance nga ana ime.
Do te ishte e padrejte te mos shprehja mirënjohjen time për MM zonjën Olta Xhaçka, për qasjen dhe adresimin shtetar te rastit tim.
Me këtë rast ju siguroj se “si ushtar i atdheut” do te vijoj te kontribuoj me profesionalizëm, përkushtim, përulësi dhe përgjegjshmëri ne dobi te mbrojtjes dhe prosperitetit te mbare kombit.
Atdheu, Detyra dhe Nderi do të mbeten pasaporta e vetme deri në fund të jetës sime.
Kolonel DD, PhD (Nderi i Kombit).
Dritan Demiraj, profili i një lideri
Nga Lavdrim Lita
Amerikanët e quajnë si babai i Batalionit të Operacioneve Speciale. Presidenti i Republikës së Shqipërisë i dha medaljen Nderi Kombit. Ai është nga ata ushtarakë që çdo ushtri kundërshtare apo organizatë kriminale do ta kishte frikë. Kolonel Dritan Demiraj është një lider që ka cilësinë X-faktor dhe meriton 47 medaljet që ka fituar në 30 vite karriere ushtarake. Mund të pyesni talebanët dhe terroristët e Al kaedës që i luftoi për tmerr për më shumë se 10 vite në shpellat e Afganistanit. Ai ka udhëhequr shtatë misione “Eagle” në vendet me konfliktet më të nxehta në Afganistan dhe Irak duke marrë vlerësimet maksimale nga aleatët amerikanë atje.
Për 12 javë në komandim kontrollin e ministrisë së Brendshme, Kolonel Demiraj arriti të sekuestronte 37 tonë kanabis, shkatërronte 40 mijë rrënjë kanabis të shkatërruara, 13 skafe të konfiskuara dhe mbi 75 vetë të arrestuar për kultivim dhe trafikim të lëndeve narkotike.
Masat e Demirajt për të goditur fenomenin e kanabisit kanë qenë maksimale duke i drejtuar operacionet dhe arrestimet dhe personalisht në terren siç ishte në rastin e Tepelenës kur në tre të mëngjesit bashkë me grupin e shoqërimit bënë 2 orë ngjitje në mal derisa shkuan dhe konstatuan fushat me 8 mijë rrënjë kanabis dhe zbritën për 2 orë të tjera deri në Tepelenë, ku njoftuan Policinë që erdhi dhe u ngjitën sërish bashkë.
Cili është ai ministër që bën 8 orë në këmbë në Mal për një operacion antikanabis?
Këtë e ka bërë kolonel Dritan Demiraj që kostumi i politikanit i rri ngushtë dhe që ka një tjetër përgatitje mendore dhe fizike.
Sot ai është një qytetar i lirë, që jep leksioni antiterrorizmi dhe të drejtë ndërkombëtare në auditore universitetesh, që mëson të rinjtë me konceptin e sakrificës për të çarë përpara. Po shkruan librin e 30-të mbi Shqiptarët dhe terrorizmi.
Në Romën e lashtë konsulli Cincinati pasi kreu me dedikim detyrën për 16 ditë si komandant në luftë shkoi në shtëpinë e tij, si një njeri i zakonshëm dhe gjithë librat e historisë e mbajnë mend, si njeriu që pushteti nuk i prishi mendjen dhe as zemrën. Sa herë Atdheu ishte në rrezik thërritej Cincinati për ti dhënë komandën e shtetit.
