Është ndarë nga jeta në moshën 28 vjeçare DJ me famë botërore, Tim Bergling, i njohur me emrin e artit Avicii.
Ai është gjetur i vdekur në Oman, Lindjen e Mesme. 28-vjeçari nga Suedia, emri real i të cilit është Tim Bergling, ka humbur jetën për shkaqe ende të panjohura. Disa media botërore shkruajnë se producenti muzikor vuante nga një sëmundje, megjithatë nuk asgjë të konfirmuar.
“Me dhimbje të thellë njoftojnë për ndarjen nga jeta të Tim Bergling, i njohur edhe si Aviici. Ai u gjet i vdekur në Muscat, Oman, pasditen e kësaj të premte më 20 Prill. Familja është e pikëlluar nga ky lajm dhe u kërkojmë të gjithëve që të respektojnë privatësinë e tyre”, tha përfaqësuesi i Aviicit në një deklaratë për mediat.
Shumë personazhe të njohur të botës muzikore kanë shprehur ngushëllime në rrjetet sociale. Dj Aviici do të mbahet mend për shumë hite botërore, si “Wake Me Up”, “Hey Brother”, ndërsa së fundmi edhe për “Lonely Together” që e ka realizuar në bashkëpunim me këngëtaren me origjinë shqiptare Rita Ora.
