Ministri i jashtëm francez ka anuluar vizitën e tij në Shqipëri. Jean-Yves Le Drian kishte parashikuar të zhvillonte një vizitë në kryeqytetin shqiptar, por e ka shmangur atë në minutat e fundit. Arsyeja e anulimit të vizitës lidhet me tensionet tepër të larta midis Perëndimit dhe Rusisë, ku palët kanë kërcënuar njëra-tjetrën me luftë bërthamore ku qendra e konfliktit mund të bëhet Siria.
Ky vendim i ministrit francez për të anuluar vizitën në Shqipëri por edhe në Slloveni erdhi pasi SHBA, Franca dhe Britania janë duke u konsultuar me njëra-tjetrën rreth nisjes së një sulmi ushtarak mbi Sirinë në shenjë hakmarrje për sulmet e dyshuara të armëve kimike të Bashar al Assad.
Vetë ministri i Jashtëm i Sllovenisë Karl Erjavec tha në një deklaratë për agjencinë zyrtare të lajmeve STA se “për shkak të krizës në Siri”, ministri i Jashtëm francez Jean-Yves Le Drian anuloi vizitën e tij të planifikuar në Slloveni të premten dhe të shtunën.
Ministria e Jashtme e Shqipërisë nga ana e saj tha se “Le Drian anuloi vizitën e planifikuar të premten për shkak të zhvillimeve ndërkombëtare në fushën e sigurisë”.
https://tiranatoday.com/gati-per-luftepse-putin-mbeshtet-assad-kush-jane-sekretet-e-aleances-se-frikshme/
