Dua Lipa po i rikthehet dashurisë së vjetër. Mediat britanike shkruajnë se ylli i muzikës pop me origjinë shqiptare po frekuentohet sërish me modelin Isaac Carew.
Me të ajo ishte ndarë që shkurtin e vitit të kaluar, kur në mediat rozë u fol për një krizë në çift. Që prej asaj kohe ajo u shoqërua me artistin Paul Klein me të cilin bashkëpunuan për muzikalin Lany. Por lidhja e tyre nuk ishte e fortë.
Siç komentojnë mediat britanike, 22-vjeçarja mesa duket ka thyer rregullin e parë të hitit të saj “New Rules” për të mos i hapur më telefonin ish-të dashurit. Me të shkëmbejnë vazhdimisht mesazhe dhe tashmë lidhja e tyre po rimerr seriozitetin e marrëdhënies së mëparshme 2 vjeçare. Thuhet se 32-vjeçari Carew ka pranuar të heqë dorë nga alkooli dhe të mos i përgjigjet telefonatave në orët e vona të natës.
