3 prill 1924 – Lind aktori i famshëm amerikan Marlon Brando
Marlon Brando, i njihet merita e një interpretimi realist në kinematografi, duke ndihmuar në popullarizimin e sistemit Stanislavski të aktrimit, të cilin e kishte studiuar së bashku me Stella Adler në vitet 1940. Rëndësia tij është e madhe ne ndikimin kulturor të filmit të shekullt XX-të. Ai ka fituar dy herë çmimin Academy Aëard në rolin e Terry Malloy në filmin “Ëaterfront” (1954) dhe atë të Don Vito Corleone në filmin mitik “The Godfather” (1972).
Sipas kritikës filmi që e karakterizon më tepër aktorin është “The Ëild One” (I Egri), ku u dëshmua si një imazh i qëndrueshëm në kulturën popullore, kryesisht atë amerikane. Ai u nominua për çmim për filmin “Viva Zapata”, ku luante rolin e revolucionarit meksikan Emiliano Zapata.
Vitet 1960, shënuan pikën më të ulët në karrierën e tij. Dhe vetëm pas 10 vitesh kur nuk u shfaq në asnjë film një film të suksesshëm, fiton çimin “Academy Aëard” për rolin e protagonistit në filmin e regjizorit Francis Ford Coppola’s “Kumbari”. Me këtë dhe filmin tjetër ”Tango e fundit në Paris”, për të cilin pati sërish një nominim për Oskar, Brando u rendit mes yjeve më të mëdhënj të kinemasë botërore.
Ai ishte një nga gjashtë aktorët profesionistë, së bashku me Charlie Chaplin, Ronald Reagan , Lucille Ball, Frank Sinatra, dhe Marilyn Monroe, të emëruar në vitin 1999 nga revista “Time” si një nga 100 njerëzit e saj më të rëndësishëm të shekullit XX. Marlon Brando vdiq më 1 korrik 2004, në moshën 80 vjeçare.
3 Prill 1940 – Masakra e Pyllit të Katinit
Më 13 prill 1943, gjermanët njoftuan zbulimin e një varreze masive në Pyllin e Katinit, në zonën e tyre të pushtimit, që përmbante trupat e mijëra oficerëve polakë, të cilët ishin ekzekutuar të gjithë me nga një plumb pas koke. Gjermanët akuzuan autoritetet sovjetike për masakrën, dhe caktuan një komision mjekësor shumëkombësh për të hetuar çështjen.
Në majin e po atij viti, komisioni raportoi se varret përmbanin trupat e 4.143 oficerëve, prej të cilëve 2.914 u identifikuan nga dokumentat që kishin në uniformat e tyre. Hipoteza ishte se ata ishin ekzekutuar në pranverën e vitit 1940. Autoritetet sovjetike, i hodhën poshtë akuzat e komisionit të emëruar gjerman, duke argumentuar se vetë gjermanët kishin kryer këtë akt në kohën kur e pushtuar zonën në korrikun e vitit 1941.
Në fakt sipas të dhënave të KGB-së dhe arkivave sovjetike të publikuara vetëm pas viteve 1990, vrasjet e urdhëruara nga vetë Byroja Politike e Partisë Komuniste të Bashkimit Sovjetik, nisën pikërisht më 3 prill 1940. Pikërisht gjatë periudhës prill-maj 1940, të burgosurit polakë u larguan nga kampet e tyre të internimit, dhe u dërguan në tre zona të ekzekutimit.
Vendi kryesor i masakrës është Pylli i Katinit, që ndodhet 12 milje në perëndim të qytetit Smolenskut, Rusi. Në Katin Stalini eleminoi ajkën e ushtrisë, shkencës dhe elitës intelektuale polake. Nga ata që vdiqën në Katin përfshinin një admiral, dy gjeneralë, 24 kolonelë, 79 nënkolonelë, 258 majorë, 654 kapitenë, 17 komandantë detarë, 3.420 nënoficerë, shtatë kapelanë, 3 pronarë të mëdhenj tokash, një princ, 43 zyrtarë të lartë, 20 profesorë universiteti; 300 mjekë; disa qindra avokatë, inxhinierë dhe mësues; dhe më shumë se 100 shkrimtarë dhe gazetarë, si dhe rreth 200 pilotë. Nuk ka zyrtarisht një shifër të saktë të viktimave, por numri mendohet të jetë midis 15-20 mijë.
3 Prill 1948 – Harry Truman nënshkruan Planin Marshall
Presidenti i SHBA-së nënshkruan ligjin e Aktit të Ndihmës së Huaj, i njohur zakonisht si Plani Marshall. I emërtuar sipas Sekretarit të Shtetit George C. Marshall, programi kanalizoi më shumë se 13 miliardë dollarë ndihma në Europë midis viteve 1948 dhe 1951.
Me synimin e rimëkëmbjes së vendeve europiane të shkatërruara nga Lufta e Dytë Botërore, plani i shpëtoi Shtetet e Bashkuara nga një recesion ekonomik i pasluftës, duke ofruar një treg për mallrat amerikane. Megjithatë, për shkak se Bashkimi Sovjetik pengoi vende si Polonia dhe Çekosllovakia të bëheshin pjesë e tij, plani kontribuoi gjithashtu në ngritjen e “Perdes së Hekurt” midis Evropës Lindore dhe Perëndimore.
Ekonomitë e Europës Perëndimore u rritën në një shkallë të paparë; marrëdhëniet në të gjitha fushat çuan në krijimin e Aleancës së Atlantikut të Veriut (NATO); ndërsa begatia ekonomike e udhëhequr nga industritë europiane të qymyrit dhe çelikut, ndihmoi në hedhjen e themeleve të atij që sot njihet si Bashkimi Evropian.
3 Prill 33 – Astronomët amerikanë Colin Humphreys dhe W. Waddington, kanë arritur në përfundimin se Jezu Krishti ka shumë të ngjarë të jetë kryqëzuar ditën e premte, më 3 prillin e vitit 33.
3 Prill 1895 – Fillon gjyqi për shpifje nga ana e Oscar Wilde, duke çuar në burgimin e shkrimtarit me akuzën e marrëdhënieve homoseksuale.
3 Prill 1917 – Vladimir Iliç Lenini mbërrin në Petrograd nga Zvicra. Ai botoi në gazetën bolshevike Pravda të “Tezave të Prillit”, dhe nisi t’i lexonte ato me zë të lartë në takimet me punëtorët. Pa u mbyllur viti, Lenini do të përmbyste qeverinë ruse dhe do të merrte kontrollin e vendit.
3 Prill 1922 – Josif Stalin, emërohet Sekretar i Përgjithshëm i Partisë Komuniste të Bashkimit Sovjetik
3 Prill 1949 –SHBA-ja, Britania, Franca dhe Kanadaja nënshkruajnë në Uashington paktin e Traktatit të Atlantikut të Veriut, NATO. Të nesërmen ky pakt do të nënshkruhej edhe nga 8 vende të tjera evropiane:Belgjika, Danimarka, Islanda, Italia, Luksemburgu, Holanda, Norvegjia dhe Portugalia.
3 Prill 1958 – Revolucioni Kuban:Rebelët e Fidel Kastros, nisin sulmin ndaj kryeqytetit të vendit, Havanë.
3 Prill 2004 – Terroristët islamikë të përfshirë në shpërthimet e Madridit, rrethohen nga policia
në banesën e tyre, teksa vrasin veten, duke mos pranuar të dorëzohen.
3 Prill 2016 – ”Panama Papers”:Një rrjedhje e madhe informacioni zbulon të dhëna mbi 214.488 kompani off-shore, që fshehin të ardhurat e njerëzve më të pasur të botës, duke shmangur pagimin e taksave.
3 Prill 2017 – Një bombë shpërthen në metronë e Shën Petersburgut në Moskë, duke vrarë 14 persona, dhe duke plagosur dhjetëra të tjerë.
