Juventus do të pres Realin e Madridit të martën në mbrëmje në Torino, në kuadër të Champions League. 300 ditë pas finales dramatike për italianët të zhvilluar në Cardiff. Por këtë herë do të jetë ndryshe, pasi nuk janë 90’ minuta për tu luajtur, por 180’ dhe Juventus ka treguar që di ti përgatisë mjaft mirë dy ndeshje.
“Atë natë fitoi ekipi më i fortë”, ka thënë numri 1 i bardhezinjve. “Asnjë skuadër nuk është e pathyeshme. Real është favorit, por kemi 50% të shanseve për t’u kualifikuar. Duhet të jemi ambiciozë. Juventus është një skuadër e madhe, që di si fitohen titujt”.
“Real është më i mirë se Juventus. Nuk e them unë, e thotë historia, trofetë dhe shifrat, – ka vazhduar Buffon në një intervistë të dhënë për ‘Marca’. – Mund të luftojmë me ata, por në vitet e fundit kanë treguar se kanë diçka më shumë. Të fitosh tre Champions në katër vite e konfirmon këtë”.
Nuk kanë munguar edhe elozhet për Cristiano Ronaldo: “E vlerësoj shumë, ka arritur të përmirësohet me kalimin e kohës. E admiroj sepse është një njeri që e di atë që bën, është pragmatik”.
“Vitet e fundit ka treguar se është i zgjuar. Ka ndryshuar pozicionin e tij, shpenzon më pak energji, por është një vrasës i vërtetë. Vetëm Trezeguet ka pasur një cinizëm të tillë para portës”.
