Besnik Hasi është një ndër trajnerët më të suksesshëm shqiptarë, që ka drejtuar ekipe të mëdha europian dhe ka marrë pjesë në kompeticionet më të rëndësishme të futbollit. Suksesi më i madh i tij është fitimi i kampionatit në Belgjikë, me ekipin e Anderlecht, teksa e kishte marrë këtë skuadër në një periudhë negative në rezultate.
Aventurat e radhës të Hasit do të ishin Legia dhe Olympiacos, por pa zgjatur shumë për këtë trajner. Në një intervistë për “L’Avenir”, Hasi shprehet se ka refuzuar oferta që vinin nga kampionati kinez, ndërsa shprehet se familja e tij dëshiron qëndrimin në Belgjikë.
“Në fundin e nëntorit, unë mora një ofertë nga Kina. Isha duke e shqyrtuar, por ndihmësit e mi më këshilluan për ta refuzuar atë dhe kështu veprova. Përpara se të nisja punën te Legia dhe Olympiacos, mund të shkoja edhe tek ekipi i Trabzonsporit apo Nottingham Forrest.
Sa i përket të ardhmes time, unë jam i hapur për çdo aventurë të re, megjithatë familja ime preferon të qëndrojë në Belgjikë”, – është shprehur Besnik Hasi.
