Vetëm një ditë pas arrestimeve të 6 turqve në Kosovë,ka reaguar kryeministrit i Kosovës, Ramush Haradinaj, ka shkarkuar Ministrin e Punëve të Brendshme, Flamur Sefaj dhe kreun e Agjencisë Kosovare për Inteligjencë, Driton Gashi.
Përmes një shkrese zyrtare dërguar Ministrit të Punëve të Brendshme, Flamur Sefajt, ka kërkuar lirimin e menjëhershme nga përgjegjësia të dy zyrtarëve të lartë.
“Dua edhe njëherë të potencoj se veprimet e djeshme në këtë rast ishin tërësisht të papranueshme dhe në kundërshtim me vlerat dhe parimet tona si popull dhe si shtet”, thuhet në dokument e siguruar nga indeksonline
Haradinaj shkruan se nuk ka qenë i informuar lidhur me deportimin e gjashtë shtetasve turq nga Kosova.
“Duke marrë parasysh se si Kryeministër i Republikës nuk kam qenë paraprakisht apo me kohë i informuar nga Ministria që ju drejtoni, kërkoj nga ju: Lirimin e menjëhershëm nga përgjegjësia e Ministrit të Punëve të Brendshme të Republikës së Kosovës” thuhet më tej në dokument.
Kërkesa e Haradinajt ka efekt të menjëhershëm.
Haradinaj në letrën drejtuar Gashit shkruan “dje nga të gjithë mekanizmat e sigurisë kam pranuar raportime zyrtare lidhur me çështjen e ndërprerjes së leje qëndrimin, ndalimit dhe deportimit urgjent dhe të fshehtë të gjashtë qytetarëve turq nga territori i Republikës së Kosovës në Republikën e Turqisë”
“Dua edhe njëherë të potencoj se veprimet e djeshme në këtë rast ishin tërësisht të papranueshme dhe në kundërshtim me vlerat dhe parimet tona si popull dhe si shtet. Duke marrë parasysh se si kryeministër i Kosovës nuk kam qenë paraprakisht apo me kohë fare i informuar nga Agjensia që ju drejtoni, kërkoj nga ju: Lirimin e menjëhershëm nga përgjegjësia e Drejtorit të AKI-së”, shkruan ndër të tjera në letrën e Haradinajt dërguar Gashit.
