Kryetari I Komisionit të Ligjeve Ulsi Manja nëpërmjet në një delrate për shtyp është shprehur se është e pakuptimtë që PD-ja nuk ka reaguar për shkarkimin nga detyra si pasojë e vettingut të gjyqtarit pasi nuk mundi të justifikonte pasurinë.
“Heshtja filloi të hënë në Këshillin Kombëtar të Integrimit, ku opozita jo vetëm që nuk e përshëndeti fillimin e punës dhe vendimin e parë të KPK por me shumë mllef politik e anatemoi zbatimin e reformës në drejtësi në përpjekjen e dështuar të radhës duke ngjallur panik për bllokimin e institucioneve të drejtësisë.
Vreri i opozitës mbeti në gojën e mbyllur të Bashës dhe Berishës të cilët në vend që të përshëndesin punën zgjodhën heshtjen prej varri apo me keq Berisha nxitoi të bëjë avokatin e palës që humbi në një proces të rregullt.”-tha Manjani.
Por për Manjën, asnjë forcë politike mund që të ndalë vettingun, ndërsa bëri thirrje që opozitë të lërë institucionet e reja të Drejtësisë që të bëjnë punën e tyre.
“Asnjë baltosje e mëtejshme e vettingut nuk ka shans ta frenojë pastrimin e pallatit të drejtësisë nga gjykatësit dhe prokurorët e korruptuar. Sot gojët e liga kundër vettingut duhet të heshtin përgjithmonë dhe ta lënë KPK, komisionerin publik, ONM dhe Kolegjin e Apelit të bëjnë detyrën që i kanë ngarkuar.
Nga sot politika në Shqipëri është e dënuar që vettingun ta shikojë me pozitivitet, ta mbështesë me vullnetin e duhur politik dhe ti japë procesit besimin e duhur. Ndërkohë që garanti ndërkombëtar po bën detyrën sic ja ka dhënë ligji.”, -u shpreh ai.
