Ish-kryeministri i Shqipërisë, Sali Berisha ka folur për negociatat me Greqinë, paktin me detin si dhe anëtarët e grupit negociator. Berisha ripërsëriti edhe njëherë qëndrimin se Artur Meçollari është një “kryespiun”, ndërsa e cilëson se presidenti i Republikës është mashtruar dhe gënjyer nga Rama.
Gjithashtu Berisha shtoi faktin se Greqia nuk mund të pengojë anëtarësimin e Shqipërisë në BE. Berisha kujton edhe faktin se Meçollari është një njeri i 100 problemeve, por shton edhe faktin se kur Rama u shfaq në krah Vuçiçin, i çonte mesazhe kërcënuese Tsiprasit në Greqi.
“U dëbuan dy spiunë rusë, por Meçollarin nuk ua dhanë me vete. Çertifikatën e sigurisë e ka të Visho Ajazit. Ai ka dalë nga shërbimi ushtarak për këto arsye. Ky njeri peng i 100 problemeve zgjidhet për të përcaktuar kufijtë me Greqinë. Rama pasi i prishi marrëdhëniet me Greqinë, kur dilte bashkë nga kryeministria me Aleksandër Vuçiçin, i çonte mesazh Tsiprasit: Shiko jam këtu me Sandrin. Kush e stisi këtë marrëveshje e stisi kryespiuni. Qeveria greke nuk ka asnjë të drejtë të pengoj anëtarësimin. Pasi Greqia ka deklaruar se pranon vendimet e gjykatës ndërkombëtare. Këta gënjejnë. Presidenti nuk mund të bllokojë autorizimin. Meta është totalisht i gënjyer, i kanë çuar dosje se atë e nxjerrin Meçollarin si patriot si Edi Rama”-tha Berisha.
