Në miqësoren mes Sllovakisë dhe Tajlandës ka pasur një moment tmerri, pasi ish-mbrojtësi i Liverpool, Martin Skrtel u shtri në fushë pa ndjenja. Lojtari i Fenerbahces u godit nga një top në pjesën e ballit dhe ra në tokë pa ndjenja.
Por qendërmbrojtësi ka qenë me fat pasi aty pranë ishte shoku i skuadrës Ondrej Duda, që ndërhyri menjëherë duke i tërhequr gjuhën. Më pas u afrua stafi mjekësorë që mbajti në jetë 33-vjeçarin që dukej në një gjendje shoku. Ndeshja u ndërpre për disa minuta, derisa u kuptua që futbollisti nuk kishte më rrezik për jetën.
Çuditërisht, Skrtel u rikthye në fushë dhe luajti edhe për 45 minuta të tjera, për t’u zëvendësuar vetëm në minutën e 72-të nga mbrojtësi i Interit, Skriniar.
