Kryetari i Partisë Demokratike, Lulzim Basha ka reaguar lidhur me pagesën që duhet të paguajnë mjetet që do kalojnë në Rrugën e Kombit. Përmes një postimi në rrjetin social “Facebook”, Basha thotë se kjo taksë e qeverisë Rama është një grabitje e dyfishtë e shqiptarëve, si dhe barrierë shtesë mes Shqipërisë dhe Kosovës.
Pak vite më parë Basha i shpëtoi drejtësisë me procedurë, duke mos u gjykuar kurrë për rolin e tij në vjedhjen e mbi 230 milionë eurove. Basha prej tre vitesh dërgoi raportet mjekësore në prokurori, duke u shtirur si i sëmur, për të shtyrë dëshminë dhe rikthimin e dosjes në gjykatë. Ka një vendim në Gjykatën e Lartë për mos gjykuar për shkak të raporteve mjekësore të personit që është akuzuar nga Prokurora e Përgjithshme.
Ndërkohë sot Basha pa i përgjigjur akoma në gjykatë për abuzimet marramendëse që janë bërë më këtë rrugë i kërkon llogari kryeministrit Edi Rama për vendosjen e taksës së rrugës.
Basha shkruan se “tarifa e pagesës së detyruar në të dy kalimet e Rrugës së Kombit që do aplikohet nga 1 prilli, më të prekur do jenë banorët e varfër të zonave përreth, dhe qytetarët e Kosovës.”
Ai shton se “Partia Demokratike i qëndron premtimit të saj për të shfuqizuar që ditën e parë në pushtet taksën e qarkullimit, si dhe për të hetuar me transparencë çdo koncesion të dhënë nga klani kriminal në krye të Shqipërisë, duke u zotuar se çdo koncesion që cenon interesat e shqiptarëve do të shfuqizohet dhe përgjegjësit do të vihen përpara drejtësisë”.
Postimi i Plotë i Lulzim Bashës
Taksa Rama ne Rrugen e Kombit grabitje e dyfishte e shqiptareve dhe barriere shtese mes Shqiperise dhe Kosoves.
Me daten 1 prill 2018 fillon te aplikohet tarifa e pageses se detyruar ne te dy kalimet e Rruges se Kombit qe u ideua, u projektua dhe u ndertua per te lidhur Shqiperine dhe Kosoven. Me vendosjen e kesaj tarife, ky projekt merr nje goditje te rende nga klani kriminal qe qeveris sot Shqiperine.
Partia Demokratike ka hedhur e para idene e nje studimi teresor per mundesine e aplikimit te tarifave te lehta, transparente, te perballueshme nga te gjithe, per te kontribuar keshtu ne mirembajtjen e rrjetit rrugor shqiptar. Por aplikimi i ketyre tarifave do te lidhej me zbatimin e nje parimi universal, me ekzistencen e rrugeve alternative, pa pagese. Do te lidhej po keshtu me parimin e mostaksimit te dyfishte, pra me heqjen e takses se qarkullimit te automjeteve.
Duke injoruar kete parim universal, banda qe qeveris Shqiperine, ka dhene me koncension aktivitetin e mirembajtjes se rruges se Kombit duke aplikuar nje tarife qe shkon nga 10 euro per vajtje-ardhje te nje autoveture, ne 22.5 euro per dy kalime te nje autobuzi me dy akse dhe 32,5 euro per autobuzet dhe kamionet me tre akse.
Kjo ndodh ne nje kohe kur Edi Rama e ka rritur taksen e qarkullimit te automjeteve me 24 leke per liter karburant. Rritja me 24 leke per liter, ju merr shqiptareve plot 120 milione dollare ne vit nga xhepat e tyre. Mjafton 1/10 e kesaj shume per te mbuluar te gjitha nevojat per shpenzime te mirembajtjes, pa vendosur tarifa shtese.
Vetem nga kalimi pa pagese ne rrugen e Kombit Shqiperia ka perfituar direkt dhe indirekt rreth 300-400 milione euro ne vit. Do te mjaftonte nje fraksion i ketyre te ardhurave per te perballuar nevojat per mirembajtje te te gjithe rrjetit rrugor shqiptar.
Qytetaret e Kosoves do ta ndiejne te paret kete akt primitiv te urrejtjes nga banda ne pushtet ne Shqiperi. Kjo tarife eshte nje barriere dhe kosto e shtuar per ta.
Ky akt kriminal demton edhe ekonomine e Shqiperise, duke rritur koston per sherbimet dhe produktet dhe duke goditur qytetaret dhe bizneset, nga Kukesi e Mirdita ne Lezhe, Shkoder, Kurbin, Kruje, Tirane dhe ne Portin e Durresit. Turizmi po keshtu do te pesoje nje goditje te rende.
Por me se shumti ate do ta ndiejne banoret e varfer te zonave rreth Rruges se Kombit te cilet edhe aktualisht e kane tejet te veshtire te perballojne tarifat e furgoneve e autobuzeve. Rama premtoi se do ta zgjidhe ceshtjen e rezidenteve te kesaj zone por deri tani asnje mase nuk eshte marre per identifikimin dhe pajisjen e tyre me mjete identifikuese qe do te garantonin perjashtimin automatik te tyre ne hyrje daljet e disafishta ditore qe ata kryejne per te vajtur ne pune, shitur produket e tyre apo siguruar mallrat e nevojshme per jetesen e tyre.
Partia Demokratike i qendron premtimit te saj per te shfuqizuar qe diten e pare ne pushtet taksen e qarkullimit si dhe per te hetuar me transparence cdo koncension te dhene nga klani kriminal ne krye te Shqiperise, duke u zotuar se cdo koncension qe cenon interesat e shqiptareve do te shfuqizohet dhe pergjegjesit do te vihen perpara drejtesise.
