Kryetarja e LSI-së, Monika Kryemadhi ka sulmuar ashpër kupolën drejtuese të Partisë Socialiste duke kërkuar që të ndalohet çdo shans i tyre në drejtimin e mëtejshëm të Shqipërisë.
Teksa ka folur në emisionin “Opinion” në Tv Klan ka treguar se dëshira e saj ishte ta shikonte Shqipërinë si Danimarka. Ndërkohë Kryemadhi shtoi se ka patur kontakte me socialistët e ndershëm, duke përjashtuar takimim me kupolën drejtuese. Ajo bëri thirrje që Ramës të mos i jepet shansi politik nga shqiptarët dhe nga PS-ja, pasi sipas saj, ai po shkatërron vendin.
“Ne me socialistët e vërtet kemi takime të vazhdueshme, por jo me kupolën drejtuese. Unë e doja Shqipërinë dhe ëndërroja si një Danimarkë, por fatkeqësisht nuk është kështu. Unë mendoj se nuk duhet t’i jepet më shansi Edi Ramës. Atij ia ka dhënë shansin qytetarët me hir ose pa hir, ia ka dhënë shansin edhe PS dhe LSI”-tha Kryemadhi.
