Një përplasje me armë mes dy të rinjve dhe policisë së Fierit është regjistruar mbrëmjen e së martës (20 mars 2018).
Ngjarja ka ndodhur rreth orës 17:45, në fshatin Baltëz. Policia fillimisht ka marrë një njoftim se në afërsi të varrezave ka të shtëna me armë zjarri.
Menjëherë në vendngjarje kanë shkuar punonjësit e policisë të cilët konstatuan 2 shtetas të cilët ishin duke bërë qitje me armë zjarri.
Më pas blutë janë vënë në ndjekje të 2 shtetasve të cilët kanë qëlluar në drejtim të punonjësve të policisë dhe kanë arritur të largohen.
Në vendngjarje u sekuestruan 4 gëzhoja në cilësinë e provës materiale.
Nga hetimet e kryera dhe nga informacionet e mara në rrugë operative, u bë e mundur identifikimi dhe shpallja në kërkim e 2 autorëve të dyshuar, shtetasve H.M dhe K.M.
Policia po punon për kapjen dhe arrestimin e tyre.
