Politologu Afrim Krasniqi i bëri një sugjerim kryeprokurores Arta Marku nëse ajo do që të fitojë betejën me publikun.
I ftuar në “Tonight Ilva Tare” në Ora News, Krasniqi thotë se Arta Marku duhet të japë përgjigje se çfarë ndodhë me dosjet e 5 ministrave aktual dhe të shkuar sepse prandaj është zgjedhur kryeprokurore.
Krasniqi thotë se nuk është beteja e saj Lezha sepse nuk është në atë post për të kontrolluar se kush ka tokë në Shkodër dhe kush ka në Vlorë.
“Prokuroria duhet t’i japë përgjigje se çfarë ka ndodhur me ministrin e Brendshëm. Çfarë ka ndodhur me 4 ministra që kanë dosje në Prokurori. Prandaj është zgjedhur Prokurore e Përgjithshme. Nuk është zgjedhur për të kontrolluar se kush ka tokë në Shkodër dhe kush ka në Vlorë. Kjo është beteja kryesore nëse do të fitojë betejën publike. Nuk është beteja e saj Lezha”, deklaroi Krasniqi.
