Është hedhur shorti i kompeticionit më të bukur të futbollit, Champions League, këtë të premte në Nyon të Zvicrës. Përballje interesante dhe mjaft të vështira njëkohësisht, ku spikasin dy sfidat e skuadrave italiane me ato spanjolle. Menjëherë pas shortit kanë ardhur edhe reagimet e para nga futbollistë, gazetarë dhe njerëz që janë pranë klubit.
Shorti:
Barcelona – Roma
Sevillia – Bayern Mynchen
Juventus – Real Madrid
Liverpool – Manchester City
Paolo Menicucci, gazetar i Juventusit: “Kush është ekipi i vetëm që ka mundur për herë të fundit Real Madrid në një përballje dy-takimeshe? Juventus në sezonin 2014-2015. Allegri vlerëson Real Madridin si favoritët kryesor për t’i shkuar deri në fund kompeticionit por presim një përballje të vështirë.”
Portieri i Bayern Mynchen, Sven Ultreich: “Nuk ka vend për festë, por është një përballje që mund ta fitojmë. Sevillia është përceptuar si kundërshtari më i thjeshtë nga të mundshmit në short.”
Barcelona kujton me një foto një vizitë në Romë, në vitin 20009. Katalanasit në fund të atij sezoni fitonin “Champions League” kundër Manchester United në “Stadoi Olimpico”.
Francesco Totti, drejtor i Romës: “E dimë që do ndesheshim me një klub të madh, kushdo mund të ishte. Por ne jemi të bindur se do të prezantojmë ngjyrat tona më së miri.”
Kyle Walker, mbrojtësi i Manchester City-t: “Liverpool? Ok, le t’i mundim.”
Math Howarth, gazetar i Liverpool: “The Reds janë klubi i vetëm që ka mundur Manchester City-t këtë sezon në ‘Pemier League’, 4-3 në ‘Anfield’ më 14 janar. City fitoi në shtator 5-0, kështu që në dy ndeshjet pritet të ketë një ‘thes’ me gola.”
Jurgen Klopp e ka mundur Pep Guardiolën në 5 ndeshje të ndryshme në të gjitha kompeticionet. Më shumë se çdo menaxher tjetër.
David Alaba, mbrojtësi i Bayern Mynchen: “Ndeshemi me Sevillia-n për herë të parë. I emocionuar për këtë përballje të madhe ndaj një kundërshtari të fortë.”
Simone Migolet, portieri i Liverpool me kombësi belge etiketon bashkëkombësit e tij te Manchester City (Kevin De Bruyne dhe Vincent Kompany) dhe i fton të përgatiten për përballjen me “The Reds”.
Barcelona është e pamposhtur në 12 ndeshjet e fundit kundër ekipeve italiane në ‘Cam Nou’. 9 fitore dhe 3 barazime. Humbja e fundit kundër Juventusit në sezonin 2002-2003 në përballjen e dytë çerekfinale.
Lionel Messi ka realizuar 12 gola në 19 ndeshje me ekipet italiane. Një gol në çdo 136 minuta.
Txiki Begiristain, shefi ekzekutiv i Manchester City-t : “Një përballje shumë e vështirë. Kemi luajtur kundër kësaj skuadre në ‘Premier League’, është diçka që nuk të pëlqen kur ndesh sërish në ‘Champions League’. Ne e njohim njëri-tjetrin shumë mirë, kjo e bën akoma edhe më të vështirë.”
Bayern ka humbur 1 nga 5 ndeshjet e fundit në Spanjë. Sevillia nuk ka pësuar asnjë humbje në shtëpi nga një kundërshtar gjerman.
Pavel Nedved, ish-mesfushor i Juventusit: “Nuk mendoj se dy klubet do të jenë të influencuara nga rezultati i finales në sezonin e kaluar. Kjo është një lloj tjetër përballjeje, ne do të luajmë 180 minuta. Mendoj se mund t’ju shkaktojmë probleme nëqoftëse ne e dimë sa të vështirë janë ato për ne, përfshirë këtu edhe mungesat e disa lojtarëve për ndeshjen e parë (Benatia dhe Pjaniç të dëmtuar).”
