A është reale “furia” e May ndaj Kremlinit dhe a janë sanksionet Britanike një ndëshkim për Putinin dhe Rusinë? Helmimi i ish-spiunit rus dhe të bijës në 4 mars, në Salisbury, ka qenë nisja e një konflikti të hapur mes qeverisë së May dhe Putinit. Sanksionet e para të vendosur nga Britania e Madhe ishte dëbimi i 23 diplomatëve rus, paralajmërimi se asnjë anëtari i familjes Mbretërore nuk do e ndjekë Kupën e Botës në Rusi dhe anulimi i vizitës së ministrit rus që pritej të vinte në Londër.
Denis MacShane një nga redaktorët e “The Globalist” shkroi se arsyet se May dhe politika britanike nuk po tregohej aq e ashpër më Kremlimin janë, tek shumat e parave që i vijnë partisë së saj dhe Britanisë së Madhe nga oligarkët rus. Ky ishte dhe një nga lajmet e fundit që shpërtheu në Britani ku u tha se oligarkët rus kishin dhuruar 850.000 paund për Konservatorët. Dhe këto nuk kanë qenë të vetmet skandale që kanë bërë bujë mbi donacionet e mëdha ruse për llogari të Partisë Konservatore.
Kjo është një provë e madhe se May dhe partia e saj është e kapur nga oligarkët rus dhe pavarësisht kërcënimeve se është dakord me SHBA, Francën dhe Gjermaninë për në ndërmarrë një sërë sanksionesh shtrënguese ndaj qeverisë së Putinit. Duket se May ka mbetur në një grackë sepse në qoftë se këto financime mungojnë Konservatorët do të kenë probleme financiare serioze.
Gjithashtu oligarkët rus kanë bërë investime masive në shtetin britanik ku kanë blerë shtëpi, kanë investuar për edukimin e fëmijëve të tyre në shkollat më të mira private në Londër dhe mbajnë në punë restorantet më luksoze të vendit. Investimet të tilla në para kesh dhe përfitimet marramendëse që ka Britania nga rusët nuk janë të pakta, sistemet ngrohëse të britanikëve gjithashtu furnizohen nga gazi rus.
Duket se edhe mos reagimi apo mos përfillja e Putinit ndaj “akuzave” të May-t për futjen e agjentit nervorë në shtetin britanik ka një arsye madhore, përveç faktit se këto të fundit e hedhin poshtë një teori të tillë, Kremlini i di mirë përfitimet në shuma të mëdha të britanikëve nga oligarkët rus dhe pastrimi i parave. TIRANA TODAY
