E ndërsa në Kuvend diskutohej për skemën e re të ndihmës ekonomike, mendimin e saj e dhe edhe kryetarja e LSI-së Monika Kryemadhi.
Ndërsa i dha një zgjidhje kryeministrit të vendit Edi Rama, për të nxjerrë nga varfëria absolute mbi 300 mijë të varfër, Kryemadhi shfryu edhe edhe ndaj disa analistëve.
Pa përmendur emra ajo tha se bëhet fjalë për pseudo-analistë, që e trajtojnë Ramën si të ishte Mesia i zbritur në tokë, e thonë që shqiptarët janë me fat që i drejton ai.
“E kam fjalën për disa pseudo-analistë që thonë se shqiptarët janë fatlumë, që iu ka rënë për hise një diktator, se ditë më të mira na presin nën drejtimin tij dhe se Mesia është mes nesh”,- u shpreh ajo.
Duke e akuzuar Ramën se ka nxjerrë nga skema ekonomike 20 të varfër, Kryemadhi tha se për varfërinë ka një zgjidhje.
“Nëse një fond prej 2% e GDP shkon për të varfrit, pra që çdo anëtar i këtyre familjeve të këtë nga 2 dollarë në ditë, mbi 300 mijë të varfër do dilnin nga varfëria absolute ku ndodhen tashmë”,- tha ajo.
