Prokuroria e Krimeve të Rënda ka kërkuar dhe nisur verifikimin pasuror të dy të arrestuarve që iu sekuestrua 613 kg kokainë në Durrës dhe ndaj pronarit të kompanisë “Arbri Garden”, i cili dyshohet së është personi që ka bërë të mundur sjelljen e sasisë së madhe të drogës në Shqipëri.
Prokuroria i ka nisur kërkesë hipotekave, bankave dhe zyrave të transferimit të parave në kuadër se dy personat i përkasin një grupi të strukturuar kriminal. Verifikimet do të bëhen ndaj shoferit të kamionit, Armando Pezaku, menaxherit të kompanisë Donald Lushaj dhe pronarit të arratisur Arbër Çekaj.
Pak ditë më parë gjykata dha masa e sigurisë në mungesë për pronarin e kontejnerit, i cili është larguar nga Shqipëria tre ditë më parë se policia të sekuestronte sasinë e 613 kg kokainë në Maminas.
