Kryeministri Edi Rama ka ‘ngacmuar’ sot disa të rinj gjatë takimit me të punësuar në një ndërmarrje në Tiranë.
Ai nuk i ka kursyer batutat, teksa i pyeste ata se sa paguheshin nga firma në fjalë. Disa prej tyre kanë hezituar ta thonë shifrën, ndërsa të tjerë e kanë treguar atë.
Rama: Sa e keni rrogën?
Vajza: Tani, kjo është pak personale
Rama: Pse është sekret?
Vajza: Po tani, le ta thonë personat përgjegjës
Rama: Sa e ka?
Përgjigjet një nga përfaqësuesit: 700 mijë,
Rama: A prandaj nuk e thotë se merr 700 mijë
Rama: Hajde ti me këmishë si puna ime jashtë pantallonave, kur isha pa këtë hernien diskale
Rama: Po ky sa e ka rrogën
Djali: Unë 540
Rama: Mirë, s’qenke keq
Rama: Ejani edhe ju atje në cep, pse ikni, jepi urdhër të vijnë, hajdeni pak
Afrohet një tjetër punonjëse: E nisëm nga zero, jam punësuar që ditën e parë para 5 vitesh
Rama: Rrini aty ku jeni, më jepni solidaritet se nuk e kam mirë këmbën e majtë.
Teksa foli për ndërprerjen e ndihmës ekonomike, kryeministri tha se kush del nga ndihmë dhe është i aftë për punë, do të ketë nga shteti 55 mijë lekë që të bëjë një kurs profesional.
“Ndihma ekonomike është moment solidariteti që duhet të jetë sa më i shkurtër, gjatë të cilit një shtet i vërtetë bën gjithçka që t’i japë mundësi individit për të ikur nga ai moment dhe për të kaluar në një fazë tjetër përmes punës. Dua të them një gjë që ta marrin vesh të gjithë, sot kush del nga ndihma dhe është i aftë për punë, del nga një situatë kur merrte mesatarisht 35 mijë lekë të vjetra dhe ka në dorë nga shteti 55 mijë lekë që të shkojë e të bëjë kurs profesional në qendrat e formimit profesional”, tha Rama.
