Pas gati 5 muajsh Partia Demokratike mblodhi sot kryesinë. Në këtë mbledhjen pritet të vendoset data e zhvillimit të mbledhjes së Këshillit Kombëtar të kësaj partie.
Kryetari i PD-së, Lulzim Basha ka bërë propozimet e tij në mbledhjen e kryesisë së PD:
“Pikëpamjet e mia ju i dini. Çdokush që ka dëshirë të kontribuojë të ketë hapësirën totale të kontribuojë në proces. Të papenguar nga asnjë pengesë të asnjë forme, qoftë edhe statuore.
-të paraqitet për vendimmarrje çdo kontribut për fuqizimin e PD
-të caktojë kohë të mjaftueshme që propozimet të shqyrtohen
-të ngrihet një grup proaktiv që për një periudhë dyjavore të mundësojë kontakt direkt me ata që dëshirojnë të kontribuojnë.
-t’i shqyrtojmë propozimet bashkë me sekretariatin ligjor dhe te kemi një vendimmarrje.
Ky grup pune të përbëhet nga nënkryetaret Paloka, Spaho, sekretari përgjithshëm, Ristani, sekretaret Bozdo, Kadilli, anëtaret e kryesisë Malko e Imami,” ka thënë ai.
Mbledhja e cila organizohet në prag të mbledhjes së Kuvendit Kombëtar, temë diskutimi do të ketë edhe caktimin e datës së Kuvendit.
Debati i brendshëm pritet të jetë interesant se pjesë e kryesisë së partisë janë dhe emra që mbështesin tezën e ringritjes së PD, do të jenë ata që do kërkojnë llogari më shumë për zgjedhjet.