Rrugët shqiptare vijojnë të marrin jetë njerëzish. Pak çaste më parë një makinë në qytetin e Durrësit ka përplasur për vdekje një fëmijë 4-vjeçar. Ngjarja tragjike ka ndodhur në rrugën “Pavarësia”.
Sipas të dhënave të para, fëmijë është përplasur teksa po kalonte rrugën. Ndërkohë drejtuesi i mjetit është larguar me shpejtësi nga vendngjarja.
Edhe pse fëmija është dërguar me urgjencë në spital, për shkak të plagëve nuk ka mundur të mbijetojë. Policia po punon për identifikimin dhe kapjen e drejtuesit të mjetit.
