Derbi i Italisë mes Milanit dhe Interit është kthyer në çështjen e ditës, pasi akoma nuk është gjetur një datë për të rikuperuar takimin i cili nuk u zhvillua të dielën për shkak të vdekjes së papritur të kapitenit të Fiorentinës, Davide Astori. Këtë gjë e ka konfirmuar vetë drejtuesi i Lega Calcio gjatë mbrëmjes së djeshme.
“Nëse Milani do të shkojë në finalen e Europa League dhe Juventusi në finalen e Champions. Milan-Inter kur do të luhej? Le të themi se kjo është një nga ato pyetjet që nuk mund të kesh një përgjigje, të paktën për momentin.
Kjo përgjigje bëhet akoma më shqetësuese kur e deklaron vetë presidenti i CONI, Giovanni Malago, duke ju referuar rrugëtimit në europë të Milanit por edhe të Juventusit në Champions League, hipotezë që do të bënte që derby të luhej pasi të kishte përfunduar gjithçka.
“Le ta fiksojmë në mendje se për këtë gjë (datën e derbyt) do të vendosim sapo të ndodhë dicka në Europe-vazhdon numri një i sportit në italian-, por këtë gjë absolutisht nuk ja uroj asnjë prej skuadrave italiane në europë.”
“Por është shumë e vërtetë që ndeshja Milan-Inter varet në fije të perit nga rrugëtimi në europë i Milanit dhe Juventusit por edhe nga finalja e Kupës së Italisë.”
