Dy ditë më parë u arrestua nga polici e Tiranës ish-prefekti i Fierit, Bujar Hasaj akuzohej për veprën penale ‘mashtrim’ me shuma të konsiderueshme parash në fushën e ndërtimi.
Sot është njoftuar se Gjykata e Tiranës e ka ndryshuar masën e sigurisë “arrest me burg” duke e lënë në liri ish-prefektin e Fierit.
Bujar Hasaj është lënë i lirë, pasi ka lënë garanci pasurores, gjithsesi bëhet e ditur se ish-prefektit i është i është ndalur e drejta për të udhëtuar jashtë vendit.
Kujtojmë se ai u arrestua se dyshohet të ketë krijuar një skemë mashtrimi në fushën e ndërtimit dhe u denoncua nga dy personat e mashtruar.
Ndërkohë që vijojnë hetimet për persona të tjerë të mashtruar nga ndërtuesi. Bujar Hasaj ka qenë Prefekt i qarkut të Fierit në vitin 2009-2011 nga radhët e LSI, ndërsa në 2013 kandidoi për deputet për PDK.
