Ministri i Jashtë i Greqisë i është përgjigjur homologut të tij shqiptar Ditmir Bushati, i cili një ditë më parë është shprehur se nuk ka marrëveshje për detin mes Shqipërisë dhe Greqisë. Nga, ana tjetër ai ka theksuar se vendimi i Gjykatës Kushtetuese është dhe vijë e kuqe në këtë marrëveshje.
Ndërsa, Shqipëria ka bërë publike listën e emrave të 12 personave që do të marrin pjesë në negociatat me Greqinë, ministri i Jashtëm grek është shprehur se nga pala greke do të janë 10 persona dhe të gjithë kanë poste të caktuara në ministrinë që ai drejton. Ndërsa, Kotzias më tej në fjalën e tij ka hedhur poshtë akuzat e opozitës greke, se marrëveshja me Shqipërinë është politike apo e cilësuar si “diplomaci sekrete”.
Ndërsa, ai i është përgjigjur dhe pyetjes së Dora Bakojanis, në lidhje me marrëveshjen e zonave detare me Shqipërinë.
Ministri i Jashtëm hodhi kategorikisht poshtë akuzat e Znj. Bakojanis se “qeveria është e papërgjegjshme dhe nuk ka bërë konsultimet e nevojshme me forcat politike në çështje të rëndësishme kombëtare sikundër është dhe zona detare”, dhe se “është e gatshme të pranojë dhe të marrë në konsideratë anulimin e marrëveshjes reciprokisht të dobishme të nënshkrua mes Greqinë dhe Shqipërisë në vitin 2009”.
Mediat greke raportojnë se Kotizas duke iu referuar paktit të vitit 2009, ka deklaruar se: “Një marrëveshje e vërtetë është më mirë se një marrëveshje fantazmë”.
Me tej, ai ka pranuar se gjenden përballe tri alternativave: “ose të mos bëjmë marrëveshje, ose të pranojmë vendimet e Gjykatës Kushtetuese, ose të përpiqemi të korrigjojmë çështjet teknike”.
“Unë pres që një mirëkuptim dhe bashkëpunim. Sa herë që të doni, unë jam në dispozicionin tuaj për t’ju informuar. Nuk është mirë të nxirren përfundime nga raportet e shtypit. Ministria e Jashtme e Shqipërisë është në një mosmarrëveshje me Presidentin shqiptar”- tha ai, ndërkohë që duke iu referuar vendimit te Kushtetueses theksoi se “është një heshtje që nuk u duhet”.
“Vendimet e Gjykatës Kushtetuese të Shqipërisë janë një çështje e brendshme e Shqipërisë dhe nuk na duhen neve. Vendimet e Gjykatës Kushtetuese shqiptare nuk janë për ne. As nuk do të pajtohemi me to.”
Ai ka dhëne detaje me tej edhe për grupin negociator të palës greke të përbëre nga 10 persona.
“Grupi ynë negociator përbëhet nga 10 persona. 8 janë zyrtarë të ministrisë së jashtme, një personalitet i të drejtës ndërkombëtare dhe një specialist i hatrografisë”. TIRANA TODAY
