Zbulohen detaje të reja lidhur me operacionin ndërkombëtar, ku u kapën më shumë se gjysmë ton kokainë, plot 613 kg në një kamion në portin e Durrësit.
Në Report Tv janë zbardhur disa nga deklaratat që janë dhënë në prokurori nga dy të arrestuarit e kësaj çëshjeje.
Të arrestuar janë Rolando Lushaj 25-vjeç, lindur në Tropojë dhe banues në Tiranë, administratori i kompanisë që kishte porositur bananet si dhe shoferi Armando Pezaku 25-vjeç, lindur dhe banues në Durrës,
Shoferi ka pretenduar se “jemi të kontraktuar dhe unë isha personi që duhet të merrja kontenierët”. Të njëjtën gjë ka pretenduar edhe Lushaj, “kam kryer procedurat doganore dhe kam shoqëruar mallin në magazinë” mësohet se është shprehur ai.
Të dy të arrestuarit, deklarojnë gjithashtu se kokaina mund të jetë futur në portet kolumbiane dhe mbase ka qenë ngatërresë e trafikantëve.
Ndërsa është shpallur në kërkim pronari i “Arbri-Garden”, Arbër Çekaj 38-vjeç, lindur në Tropojë, banues në Manzë të Durrësit i cili dyshohet se ndodhet në Gjermani. Arbër Çekaj, pronar i “Arbri-Garden” është shpallur në kërkim nga policia.
