Një episod i shëmtuar ka bërë që të shtyhet kryendeshja e kampionatit grek, PAOK-Olympiakos. Pak para se të fillonte sfida ka pasur shumë tension në stadium dhe në një moment tifozët vendas kanë hedhur sende të forta në drejtim të pankinës së Olimpiakos. Mediat greke bëjnë me dije se një gurë ishte i mbledhur në një letër dhe është hedhur në drejtim të trajnerit të miqve, Oskar Garsia dhe këtij të fundit i ka rënë në fytyrë.
Në këto kushte, është vendosur që ndeshja të shtyhej, pasi situata në stadium ishte shumë e tensionuar. Trajneri Garcia është detyruar të shkojë drejt spitalit, pasi dyshohet se mund t’i jenë thyer dhëmbët.
Ultrasit e PAOK-ut ishin protagonistë edhe në episode të tjera përgjatë ndeshjes. Në njërën prej tyre ata hyrën në fushë me një flamur bullgar dhe fytyra të mbuluara, ndërsa në flamur shkruhej “Gate 4” (emri i një prej grupimeve më famëkeqe të ultrasve të PAOK-ut). Situata ka dalë jashtë kontrollit dhe në rrugët e qytetit ka nisur përleshja mes policisë dhe tifozëve.
Çfarë parashikon Kodi Disiplinor
Pezullim të ndeshjes dhe heqjen e tre pikëve të PAOK, pasi është dëmtuar trajneri Oscar Garcia.
“Nëse nga rënia e objekte nuk është dëmtuar asnjë person fizik në fushë, dënohet me gjobë nga gjashtë mijë euro (6000) në tetëdhjetë mijë euro (80.000). Në rast të një ndërprerje të ndeshjes, masat mund të jenë me heqjen e tri (3) pikëve nga renditja dhe dënimit me dy apo tre ndeshje pa tifozë”.
