Zbulohen detaje të reja lidhur me ngjarjen e sotme në Shkodër, ku një person plagosi me automatik fqinjin e tij.
Mësohet se autori, Vasel Vuçinaj, është piëkrisht kreu i Partisë Socialiste në Vukël.
Ai ka qëlluar me armë në drejtim të banesës së shtetasit M.Ç, 51 vjeç, banues në Vukël, i cili ka mbetur i plagosur në shpatull dhe ndodhet në spital, jashtë rreziku për jetën.
Ngjarja:
“Pas një pune të mirëorganizuar të forcave policore të ndodhura në vendngjarje, u bë i mundur lokalizimi dhe kapja në kohë rekord e autorit të dyshuar të kësaj ngjarje së bashku me armën e krimit, kokretisht: Vasel Vuçinaj, 49 vjec, banues në fshatin Vukël, Malësi e Madhe. Në cilësinë e proves materiale u sekuestrua arma e zjarrit automatik si dhe në vendngjarje nga kqyrja u sekuestruan 12 gëzhoja. Po vijojnë veprimet hetimore për dokumentimin e plotë të ngjarjes”, thuhet në njoftimin e Policisë.
