Një episod mjaft i çuditshëm ka ndodhur në përballjen e kësaj jave në ndeshjen e kategorisë së dytë në Gjermani, me Duisburg dhe Ingolstadt. Është shënuar goli më i çuditshëm në historinë e futbollit, ku portieri nuk e ka mendjen aspak tek ndeshja.
Protagonist është bërë portieri i Duisburg, Mark Flekken, i cili para këtij episodi ishte njeriu i ndeshjes me pritjen e penalltisë ndaj Stefan Kutschke.
Ishte pikërisht ky i fundit i cili ka realizuar një gol tepër të thjeshtë, me portën e boshatisur pasi në mënyrë të pakuptimtë portieri Flekken injoroi aksionin duke shkuar të marrë shishen e ujit.
