Kryeministri Rama përmes një konference për mediat nga qyteti i Beratit u tregua i prerë për mosndërtimin e HEC-ve në kanionet e Osumit.
Ai tha se do të jemi më të vëmendshme në të ardhmen, por kjo nuk do të thotë se do ndalohet ndërtimi i HEC-ve në të ardhmen. Për ndërtimin e HEC-ve në Valbonë, Rama tha se nuk mund ta ndalonim pasi na prisnin gjyqet në vijim.
Kujtojmë se të njëjtin shqetësim ndajnë edhe banorët e disa fshatrave në Kukës, pasi kërkojnë anulimin e HEC-ve
“Kjo nuk do të thotë se nuk do të ndërtohen më HEC, por do jemi më të vëmendshëm dhe më të kujdesshëm”-ka thënë Rama.
Ndalimi i ndërtimit të HEC-ve u vendos nga Ministria e Mjedisit vetëm pak ditë më parë. Denoncimi i medias ka shfrenuar projektin e ndërtimin të HEC-ve, pasi kanionet e Osumit konsiderohen si perla natyrore ne jug të vendit. Ky destinacion është një burim shumë i rëndësishëm për turistët.
“Ne jemi të vendosur që të përballemi me të gjitha minat në rrugën tonë në të shkuarën, dhe ka shumë në cdo hap dhe sektor. Jemi më të vëmendshëm se nuk do ti vëmë asnjë minë Shqipërisë, se me HEC- et e trashëguara ka gjithmonë probleme, ashtu si ndodhi me Valbonë, që ne e minimizuam atë që pritej të ndodhte, por nuk arritëm dot ta neutralizojmë, përndryshe do të përballeshim me gjyqe”-tha Rama .
