Një lajm i shpërndarë stuhishëm në rrjetet sociale se Fidel Kastro ishte babai i kryeministrit të Kanadasë Justin Trudeau, detyroi qeverinë kanadeze të dilte me një deklaratë zyrtare për ta mohuar.
Lajmi u përhap me shpejtësi pas vetëvrasjes së djalit të madh të ish-udhëheqësit komunist kubanez më 1 shkurt. Në rrjetet sociale u shpërndanë lajme të rreme, që spekulonin se Fideli i ri, i cili vuante nga depresioni, kishte lënë një letër, ku e konsideronte gjysmë-vëlla kryeministrin kanadez Trudo. Spekulohej po ashtu se nëna e kryeministrit aktual, kishte udhëtuar dikur fshehurazi në Kubë.
Por së fundi, qeveria kanadeze në një komunikatë shpërndarë për mediat e mëdha botërore shkruan se Justin ka lindur 9 muaj pas martesës së babait të tij biologjik, ish-kryeministrit Pierre Trudo me Margaret Sinclair. Në atë Margaret ishte 22-vjeç dhe kishte një diferencë prej 29 vjetësh me bashkëshortin.
