Ministria e Arsimit ka reaguar pas skandalit me pagat e pedagogëve, teksa ka vendosur që pagat të kalohen sot në llogaritë e pedagogëve.
Lajmi bëhet i ditur me anë të një njoftimi zyrtar, ku deklaron se:
Pagat do të jenë në llogarinë e pedagogëve dhe personelit akademik brenda ditës së sotme. Ministria e Arsimit, Sportit dhe Rinisë siguron se Ligji i ri i Arsimit të Lartë është mundësi e re e zgjerimit të autonomisë financiare të universiteteve. Ne do të bëjmë gjithçka që kjo të garantohet me aktet nënligjore që priten të miratohen së shpejti. Gjithashtu ne besojmë fortë që të gjitha energjitë dhe debati të zhvillohet tek sfidat e rritjes së cilësisë, performancës, punësimi i të rinjve dhe akreditimi i programeve të studimit.
