Çdo ditë evidentohen raste me kancer tek shqiptarët. Mjekët pohojnë se rastet e reja po vijnë në rritje progresive çdo vit. Vlen të theksohet se sëmundjet tumorale po fitojnë gjithmonë e më shumë terren në popullsinë shqiptare
Mjeku në pavijonin e Onkologjisë, Redioterapeuti Orges Spahiu thotë se ka mbi 7 mijë raste të reja, ka një rritje mesatare rreth 12% çdo vit dhe në 5 vjet rritja është 60%”.
Alarmi më i madh vjen nga Organizata Botërore e Shëndetësisë e cila paralajmëron epidemi globale.
“Pritet që në dy dekadat e fundit, numri i të diagnostikuarve me kancer të rritet rreth 70%”, deklaroi Spahiu.
Sa i takon Shqipërisë, shpesh rastet përfundojnë në fatalitet për shkak të kapjes së sëmundjes në faza të avancuara.
“Rreth 70%-80% e tyre vijnë në stadet e treta dhe të katërta të sëmundjes. Kjo bën që shansi i tyre të jetë i pakët në kurim”.
Parandalimi dhe kapja në kohë e sëmundjes mbetet vendimtare në shërim dhe zgjatjen e jetës, shkruan Klan.
“Është instaluar inceneratori i dytë linear, i cili rrit cilësinë në trajtimin e pacientëve me kancer si dhe rrit probabilitetin dhe mbijetesën e tyre”.
Ekspertët e shëndetësisë botërore janë të mendimit se 1/3 e sëmundjeve tumorale mund të parandalohen duke adaptuar sjellje të shëndetshme.
