Deputetja e LSI-së, Kejdi Mehmetaj ka publikuar një video nga Kuvendi, teksa seanca tashmë është kthyer në një kaos.
Pavarësisht zhurmës së opozitës, e cila po bërtet në kor me thirrjet “Hajdut, kriminel”, kreu i Kuvendit Gramoz Ruçi ka lejuar vazhdimin e seancës parlamentare, duke i thënë fjalën nga vendi deputetëve.
Mehmetaj akuzon Ramën se po përdor Ruçin për të prerë fjalën e deputetëve dhe se po i pengon opozitës fjalën e lirë.
Reagimi i Mehmetajt:
Edi Rama i tmeruar përdor atavizmën Ruçi për të prerë fjalën e deputetëve.
Edi Rama i pengon opozitës fjalën e lirë në Parlament nëpërmjet ligjit të agjitacion propagandës!
I frikësuar nga të vërtetat që opozita thotë në parlament dhe nga qindra mijëra qytetarët që kërkojnë ikjen e Edi Ramës, shoku Gramoz ofendon deputetët dhe u heq atyre të drejtën e fjalës.
Askush nuk do të mundet të pengojë opozitën të kryejë detyrën e saj si përçuese e zërit dhe revoltës qytetare. As shoku Gramoz dhe as diktatori Edi Rama nuk munden të ndalojnë opozitën të denoncojë trafikun e drogës që drejton vet kryeministri, të denoncojë largimin e qëllimshëm të Nezer Seitaj, të demaskojë gënjeshtrat mbi marrëveshjen me Greqinë dhe shitjen që Edi Rama do ti bëjë këtij vendi.
#RamaIk
