Kryetarja e LSI-së, Monika Kryemadhi nuk ka përtuar t’i kthejë përgjigje kryeministrit Edi Rama, pas ironisë së këtij të fundit lidhur me votën kundër të opozitës për kontratën e aeroportit të Vlorës.
“Po me aeroportin e Vlorës çfarë kanë që votojnë kundër?100 mlnEU investim 1000 të punësuar të përhershëm superimpakt ekonomik!JO duan çizme”, shkroi Rama më herë në Facebook, ndërsa menjëherë ka ardhur edhe përgjigja e deputetes, e cila e quan atë qesharak.
Në një postim në Facebook, Kryemadhi shkruan se Rama mashtroi për Vlorën, për ilaçet, por edhe për pronat e çamëve.
“Mashtroi për Vlorën, mashtroi për ilaçet, mashtroi edhe për pronat e çamëve.
Ky njeri nuk ka me asnjë forcë të ngrihet mbi mashtrimet e tij, pavarësisht se ndjen kënaqësi kur mashtron shqiptarët.
Sa qesharak që është!”, shkruan Kryemadhi.
