“Shkolla Kontekstualiste e Tiranës” shkaktoi shumë zhurmë në media. Pesë persona nga të cilët dy doktorantë dhe 3 doktorë shkencash pretendojnë se janë themeluesit e shkollës së kontekstualistëve në Tiranë. Reagimet në media e kanë kundërshtuar këtë lëvizje duke u marrë më përbërjen e tyre. Këta lektorë universiteti dolën në media dhe folën se ç’është kontekstualizmi, si një rrymë e filozofisë analitike. Këta quhen lektorë, por rëndom shqiptarët këdo që jep mësim në universitet u thërrasin pedagogë. Të gjitha mediat i quajnë pedagogë ndërsa këta janë veçse lektore, ku vetëm tre prej tyre janë doktorantë dhe asnjëri se paku profesor i asociuar.
Po çfarë shkruajnë këta 5 njerëz rreth shkollës së tyre. Asgjë nga vetja me studime të mirëfillta. I vetmi prezantim që ju bëjnë shqiptarëve është materiali i kopjuar nga wikipedia.org. Këta që punojnë ne universitet me siguri u kërkojnë studentëve që të mos marrin materiale nga wikipedia po të thellohen në studime. Vetë “profesorët” bëjnë kopjime dhe thjesht përkthime të materialeve nga wikipedia.org.
Më poshtë keni foto të materialit që kjo shkollë ka kopjuar pa bërë as ndryshimet më të vogla. Me sa duket nuk kanë menduar se ndokush do të bëjë kërkime për ta. Materiali është marrë nga prezantimi që kjo shkolle i bën vetes dhe krahasimi me atë që shkruhet ne wikipedia.
Enkel Demi dhe Elvin Luku kanë reaguar menjëherë me artikuj rreth këtij prezantimi, i pari me një artikull, ndërsa i dyti me një status në rrjetin social Facebook.
“Gjatë gjithë këtyre viteve të tranzicionit askush nuk vuri ujin në zjarr jo për elitat, por për ardhmërinë. Ka përherë përpjekje për ta zënë parinë nga grupe politike, mediatike, spitullaq mesoresh. Janë sak këto përpjekje që e bëjnë këtë vend qesharak dhe guximtarët karagjozë.
Vetëm në një tokë si Shqipëria të del biri i botës dhe të thotë që është filozof pa mbushur 30 vjeç, politikan duke qenë berber, mendimtar duke vjedh’ xhepat në qeveri…”, ka shkruar Demi, duke shtuar se në këtë tablo mungonin vetëm filozofët e prezantuar në programin televiziv. “Filozofi është një dukuri interesante mediatike që mund të shitet për një tip cool. Së shpejti, filozofi duhet të ngujohet në ndonjë shtëpi të reality show ose të marrë pjesë në programe se kush kërcen a këndon më bukur”, ka shkruar Demi, ndërsa Elvin Luku e ka quajtur çudi shqiptare dhe guxim të tepruar të pesë pedagogëve shpalljen e shkollës kontekstualiste të Tiranës. “Për të shpallur ‘Shkollën Kontekstualiste të Tiranës’ duhet minimalisht të kenë dy a tri studime, libra, monografi që kanë sjellë një risi, evolucion, për të mos thënë revolucion në fushat politike, ekonomike, mediatike, audiencat, shkencat sociale, kompjuterike etj… Me aq sa di unë, të paktën për fushën time të shkencave te komunikimit, këta s’kanë një kontribut të qenësishëm, po pres me endje të mësoj se mos ndoshta kanë kontribute të vyera në shkencat e tjera… Guxim të madh intelektual keni o miq!”, ka ironizuar Luku, duke thënë se kjo Shkollë tashmë do të konkurrojë me rrymat më të njohura filozofike perëndimore duke përmendur edhe disa prej tyre.
Gazetari dhe studiuesi Ervin Luku shkruan në “Facebook” rreth këtij problemi. Ai e quan plagjiaturë atë që është publikuar dhe me të drejtë.
Postimi i plotë i Ervin Lukut
Plagjature!!!
Shkolla Kontekstualiste e Tiranes ne editorialin e pare prezantohet me nje PLAGJATURE!!!
I gjithe teksti i gjoja filozofise anglosaksone, konkretisht Shkolla e Kembrixh, qe sikurse thuhet ka frymezuar te veteshpallurit “mendimtare”, sic vetequhen ne shkrimin e MAPOS, eshte COPY-PASTE nga Ëikipedia…
Perle!!!
Aq mire e kane pervetesuar filozofine Çilo-UET-jane, sa as nje artikull origjinal nuk shkruajne dot filozofet-kontekstualiste. Lere pastaj te themelojne nje shkolle…
Une ne reagimin tim te pare u kerkoja studime ketyre… Hahaha… keto dhe editorialin e kane fals…
Nuk i thoja kot Arian Çanit ne komentin tim, para se ti nxjerresh ne ekran, e tu besh publicitet, duhet te beje detyren si gazetar dhe moderator profesionist qe je, duke iu kerkuar PRODUKTIN (libra, botime, kerkime shekncore) dhe jo FASADEN…
SUKSESE NE JETE, O MENDIMTARE! (Ju lutem: Jo fjale pa dogane ne editoriale)
