Votimi i gjuhës shqipe në Maqedoni prej ditësh ka ngjallur debate si brenda ashtu edhe jashtë vendit. Edhe pse Kuvendi i Maqedonisë ka votuar për zyrtarizimin e shqipes, nga na tjetër presidenti i George Ivanov e ka kthyer sërish amendamentin në Kuvend.
Ndërkohë një pjesë e amendamenteve të partisë opozitare VMRO-DPMNE për ligjin e gjuhës shqipe kanë përfunduar në në një kontejner mbeturinash afër parlamentit.
“Disa media në gjuhën maqedonase kanë publikuar edhe disa fotografi të amandamenteve të nënshkruara, të hedhura në kontejner. Por nuk bëhet e ditur se si këto dokumente kanë përfunduar aty”-shkruan Zhurnal.mk
Sipas asaj që shkruhet në këto dokumente, grupi parlamentar i VMRO-DPMNE-së ka propozuar uljen e dënimeve të parashikuara me ligj për institucionet të cilat nuk do ta respektojnë ligjin për gjuhët.
Kështu që në një amendament propozohet ulje e dënimeve nga 4 mije dhe 5 mijë euro në 3 mijë e 201 euro. Në një tjetër propozohet ulje në 130 dhe 515 por nuk është saktësuar valuta është në euro apo denarë, për shkak të së cilës edhe vetë propozimi ka qenë i pavlefshëm dhe i njëjti sipas të gjitha gjasave nuk kam mund të verifikoje, transmeton Zhurnal. Ndërkaq në një amendament tjetër, propozohet ulje dënimi në 668 dhe 5 mijë denarë.
