Neymar është një emër shumë i lakuar në këtë merkato, e sidomos me atë të verës ku pritet që ti bashkohet Real Madridit. Të gjitha këto kanë ardhur si pasojë e formës së dobët që po kalon Real Madrid dhe lumturisë së munguar në Paris. Në ndeshjen e sotme ylli brazilian gjeti dy herë rrugën e rrjetës përballë Montpellier dhe sa herë ai është në fushë shënon, është duke kaluar një formë fantastike. “Jam i lumtur, sidomos për fitoren, që është gjëja më e rëndësishme. Mendoj se luajtëm një ndeshje madhështore”, deklaroi Neymar, i cili kur u pyet se kush mes tij dhe Cavanit do të gjuante penalltitë, ishte i qartë në përgjigjen e tij: “Trajneri më zgjodhi mua si ekzekutuesin e penalltive. Cavani nuk e ka problem këtë gjë. Duhet të marrë unë përgjegjësinë”.
Ylli Brazilian i PSG pranoi se është bezdisur kur në ndeshjen e fundit ishte vërshëllyer, por ndërkohë tha se është i përgatitur për vërshëllima dhe duartrokitje. Në lidhje me të ardhmen e tij, Neymar deklaroi: “Jam i lumtur dhe erdha te Paris Saint-Germain për të bërë historinë. Spekulimet janë aty, aty kanë qenë gjithmonë. Kur isha te Barcelona e njëjta gjë ndodhte, emri im përmendet në të gjitha periudhat e merkatos”.